Құрылысшылар күніне орай марапаттар табысталды
Астана қаласының Кәсіпкерлер палатасында Құрылысшылар күніне арналған салтанатты іс-шара өтті. Бұл күні елорданың заманауи келбетін қалыптастыруға өз еңбегімен үлес қосып жүрген құрылыс саласы өкілдеріне шынайы алғыс пен құрмет сөздері айтылды.
Іс-шара барысында «Құрылыс және жер қатынастары» салалық кеңесінің мүшелері мен жетекші құрылыс компанияларының қызметкерлері марапатталды. Олардың кәсібилігі, жауапкершілігі және сала дамуына қосқан үлесі үшін алғыс хаттар табысталды.
Кәсіпкерлердің мүдделерін жүйелі түрде қорғап, салалық саясатты қалыптастыруға белсенді атсалысып жүрген, сондай-ақ құрылыс секторын дамытуға елеулі үлес қосып келе жатқан тұлғаларға ерекше назар аударылды.
Сакен Махамбетов, Вячеслав Лазарев және Талғат Қожахметовке «Атамекен» ҰКП Президиумының Төрағасы Райымбек Баталовтың атынан алғыс хаттар табысталды. Бұл - олардың көшбасшылық қызметіне, азаматтық ұстанымына және саладағы белсенді жұмысына берілген жоғары баға.
Жылы да шынайы мерекелік атмосфера құрылыс ісін өмірлік кәсібі деп білетін кәсіби қауымдастық өкілдерін бір арнаға тоғыстырды. Бұл мамандар елорда үшін маңызды нысандарды салып, жайлы әрі қауіпсіз қалалық орта қалыптастыруға өз үлесін қосып келеді.
.jpeg)
Астана қаласының Кәсіпкерлер палатасы барлық құрылыс саласы мамандарын кәсіби мерекелерімен шын жүректен құттықтайды! Еңбектеріңіз еленіп, жобаларыңыз табысты, істеріңіз әрдайым сұранысқа ие болғай!
Пікір қалдыру:
Пікірлер: