Ақмола облысында «Бір ауыл - бір өнім» жобасының финалистері іріктелді
Ақмола облысы кәсіпкерлер палатасының алаңында бренд-комитеттің отырысы өтті. Оның барысында «Бір ауыл-бір өнім» жобасының өңірлік кезеңінің финалистері анықталды.
Еске салсақ, жоба өңірде бірегей өнім іздеуге, жергілікті тауарлар мен қызметтер өндірісін дамытуға, жергілікті шикізатты пайдаланатын өндірушілер бірлестіктерін құруға бағытталған. Идея кәсіпкерлерге өз тауарларын ұсынуға мүмкіндік беру ғана емес, сонымен қатар оны жергілікті брендтің қайнар көзіне айналдыру арқылы өнімнің өзіндік ерекшелігін көрсету.
Биылғы шілдеде Көкшетауда «Бір ауыл - бір өнім» көрмесі өтті. Оның қорытындысы бойынша он үздік жоба іріктелді. Бұл қатысушылар жартылай финалға өтіп, өз өнімдерін бренд-комитет мүшелеріне таныстыру құқығына ие болды.
Қазір кезде нан-тоқаш және ет-сүт өнімдері, сабын өнімдері, жартылай дайын өнімдер, кәдесыйлар, қолөнер және тоқыма бұйымдары, сондай-ақ басқа да ерекше әзірлемелер ұсынылды. Әр бағыт өңірлік кәсіпкерліктің ерекшелігі мен алуан түрлілігін көрсетті. Бренд-комитеттің құрамына Өңірлік кәсіпкерлер палатасы, мемлекеттік органдар, жұртшылық пен бизнес-қоғамдастықтың өкілдері кірді. Мұқият қарау қорытындысы бойынша комиссия үш финалисті анықтады.
.jpg)
Қосшы қаласынан келген Әлия Қалиасқарова - қазақ қолданбалы өнерінің дәстүрлерін ұқыпты сақтап, дамытып жүрген шебер. Ол киізден сырмақтар мен текеметтерден бұйымдар жасап, оларды заманауи өнер туындыларына айналдырады. Әлияның еңбектері Қазақстаннан тыс жерлерде: АҚШ, Дания және Францияда танылып, ұлттық мұраны халықаралық дәрежеде танымал етуге ықпал етеді.
Бурабай ауданы Қатаркөл ауылының тұрғыны Руслан Соколов - «Сыроварня Соколовых» негізін қалаушы. Ол өз өндірісін 2018 жылы бастады және бүгінде хобби толыққанды отбасылық бизнеске айналған. Ірімшік зауытының ассортиментінде он беске жуық өнім бар түрлі қатты ірімшіктер. Өндіріске шикізатты жергілікті фермерлер жеткізеді, сонымен қатар кәсіпкердің ешкілердің жеке отары бар, бұл өнімнің жоғары сапасы мен тұрақтылығына кепілдік береді.
«Біз табиғи ірімшік өндірумен айналысамыз және бұл біз үшін бизнес қана емес, бүкіл отбасының кәсібі. Бізді «Атамекен» және мемлекет қолдайтын осындай байқауларға қатысуға мүмкіндік бар екеніне өте қуаныштымын. Жеңіс алға жылжуға, өндірісті кеңейтуге және жаңа белестерді бағындыруға ынталандырады», - деп атап өтті Руслан Соколов.
Целиноград ауданы Қараөткел ауылынан Бауыржан Жалғасбаев "Бір ауыл -бір өнім" жобасының тұрақты қатысушысы. Ол қуырылған тары жармасы, сары май, қант және балдан жасалған дәстүрлі қазақ тағамы — жент өндірісімен танымал. Әрбір қазақстандыққа бала кезінен таныс бұл тәтті өнім кәсіпкер үшін визит карточкасы және шынайы ұлттық тағамдардың нышанына айналды.
«Енді өңірлік кезеңнің финалистері Ақмола облысының атынан республикалық "Бір ауыл - бір өнім" көрмесіне қатысады. Жобаға қатысушылар 5 миллион теңгеге дейінгі көлемде грант алуға мүмкіндік алады. Жалпы, бұл жоба кәсіпкерлік дағдыларды дамытуға, жергілікті бизнесті қолдауға және мәдениетіміздің өзіндік ерекшелігі мен байлығын көрсететін өнімдерді ілгерілетуге бағытталған», — деп атап өтті Өңірлік кәсіпкерлер палатасының директоры Ерқанат Мұсылманбек.
«Бір ауыл - бір өнім» жобасы бизнеске заманауи тәсілдермен сәйкес келетін алаңға айналды, ал жергілікті тұрғындардың бірегей идеялары кең нарыққа шығып, Қазақстанда ғана емес, одан тыс жерлерде де танылуға мүмкіндік алады.
.jpg)
Пікір қалдыру:
Пікірлер: