Шығыс Қазақстан облысындағы демалыс орындарының иелері жарықсыз қалудан қорқады
Туристік маусымның ашылу қарсаңында Алтай ауданының аумағындағы Бұқтырма су қоймасында бизнесті жүзеге асыратын кәсіпкерлер демалушыларды жарықсыз қалдыру қаупі бар.
ШҚО Кәсіпкерлер палатасының туризмді дамыту жөніндегі Кеңесі хабарлағандай, туроператорлар коммуналдық кәсіпорындармен алдағы кезеңге келісім-шарттар жасап жатыр.
«Біз қоқыс шығаруға келісім-шарт алдық, таныстық. Жалғыз ескерту, бір айдағы тарифтің өзгеруі туралы тармақты қосу керек. Бірақ сұйық қалдықтарды шығару туралы келісім туристік базалар үшін жарамсыз, өйткені онда дренажға баса назар аударылады. Сондықтан келісім-шартты белгілі бір қызмет түріне бейімдеп, оны жеңілдетіп, қарапайым халыққа түсінікті етіп беруіңізді сұраймын», - туризмді дамыту жөніндегі Кеңестің мүшесі, «Вояж-Алтай Қазақстан» туристік фирмасының директоры Ирина Клиновицкая Алтай ауданының коммуналдық ұйымдарына жүгінді.
Ол сондай-ақ аумақтың ластануы, қалдықтарды рұқсат етілмеген жерлерде сақтау мәселесін көтерді.
Алтай ауданының тұрғын үй-коммуналдық шаруашылығы бөлімінің өкілі барлық келісім-шарттар маусым басталуына дайындалатынын, коммуналдық қызметтердің бірлесіп жұмыс істеуге дайын екендігін жеткізді.
«Заң бойынша жұмыс істейтіндер әрқашан шетте қалады, ал жеке меншіктер үйлерді жалға беріп, келісім-шарт жасамайды, оларды ешкім бақылап, тексермейді», - деп қосты ол.
ШҚО кәсіпкерлік және индустриялық-инновациялық даму басқармасының туризм бөлімі бастығының міндетін атқарушы Әлімжан Дайырбаев бақарманың жоспарында демалыс базаларының маусымға дайындығына мониторинг жүргізу бар екенін хабарлады.
Ал олардың заңға сәйкес бақылау функциялары болмаса да, тексеруші органдармен бірлесе бару – өртке қарсы, жазғы уақытта халықтың қауіпсіздігін қамтамасыз ету үшін санитарлық бақылаумен бірге кеңестік сипатта болуы мүмкін.
Ирина Валерьевна сондай-ақ кәсіпкерлерді, әкімдік пен басқа да бөлімдерді бірыңғай сенбілік ұйымдастырып, тас жол бойындағы, демалыс орындарының айналасын маусымға дайындап, кейін қоқыс шығаруды ұйымдастыруға шақырды.
Электр энергиясын тұтынуға келетін болсақ, бұл жерде мәселе әлдеқайда ауқымды. Ең алдымен, бұл электр желісіне қызмет көрсету, өткізу қуатын арттыру.
Желіні Біріккен энергосервистік компаниясына беру нұсқасын қарастыру қажет болуы мүмкін.
Кәсіпкерлер өңірде туризмді дамыту, тіпті сервисті жақсарту туралы өркениеттің негізгі игіліктері үздіксіз жұмыс істеген кезде ғана айтуға болатынына сенімді, ал демалыс базаларының иелері адамдардың қауіпсіздігі туралы алаңдаудың орнына туристік қызметтерді дамытумен және жақсартумен айналысатын болады.
Айта кетейік, сәуір айының соңында Жаңа Бұқтырма кентінде мемлекеттік органдармен, туристік фирмалармен ауқымды жиналыс жоспарланған, онда да проблемалық мәселелер көтерілетін болады.
Пікір қалдыру:
Пікірлер: